Lembur Kuring Karang Pamidangan

fzouiten 2003: bonjour madame reni
fzouiten 2003: comment allez vous
reni kusniati: He..he…he…, baku ari geus nanya ku bahasa nu teu pikahartieun teh
fzouiten 2003: jawabnya begini kalau baik…. tres bien merci
reni kusniati: tres been me
fzouiten 2003: yeh bahasa apa itu?
reni kusniati: bahasa naon we ah
reni kusniati: kumaha uing
fzouiten 2003: Ha…..ha….ha……
reni kusniati: He…he…he….
fzouiten 2003: ih jadi seuseurian sorangan yeuh
reni kusniati: kade ah paur
fzouiten 2003: tuh da didinya mah sok membikin aku ketawa sendirian
reni kusniati: Kitu Nya?
reni kusniati: halaaahhh bahaya atuh ari kitu mah
reni kusniati: tuluy kateterusan
reni kusniati: di jalan seserengehan sorangan
reni kusniati: ah sok pikapaureun
fzouiten 2003: tanggung jawab didinya nya mun Fz kudu asup ka RG
reni kusniati: heug
fzouiten 2003: eh naon disebutna Rumah sakit gila?
reni kusniati: grazy hospital
reni kusniati: ha..ha..ha…, istilah aneh nya?
fzouiten 2003: ah da di bhs inggris mah nggak ada crazy hospital
reni kusniati: nya ti mimiti ayeuna kudu aya
reni kusniati: apan bahasa mah berkembang
fzouiten 2003: ngan jang Fz sorangan mah atuh rugi pamarentah
reni kusniati : naon bahasa Ingrisna aku bukan investor?
fzouiten 2003: duka teuing fz oge teu terang
reni kusniati: ulah ngabohong
reni kusniati: piraku puluhan taun di ausi teu apal
reni kusniati: saya bukan investor tapi hanya seorang guru
fzouiten 2003: I am not investor either
fzouiten 2003: I am just pengacara pengangguran banyak acara
reni kusniati: kutan kitu nya?
fzouiten 2003: yeh da nggak tahu rumah sakit gila asa euweuh nu garelo di aussie mah……….
reni kusniati: ha..ha..ha….
reni kusniati: piraku
reni kusniati: ari ieu nu keur chat jeung abdi?
reni kusniati: cenah sok sura seuri sorangan
fzouiten 2003: apan kakara
fzouiten 2003: matakna pemerintah moal ngabangun rumah sakit gila mun ngan keur fz sorangan mah biayana mahal
reni kusniati: kitunya
reni kusniati: nya atos we atuh
reni kusniati: urang sina dirawat ku mang yahoo
fzouiten 2003: enya nu ngarawatna suster reni
reni kusniati: walaahhh suster reni mah galak
reni kusniati: mun panyakitna teu cageur wae
reni kusniati: sok disuntik mati
fzouite 2003: Ha…ha…ha…, kitu eta teh?
fzouiten 2003: keun wae lah disuntik mati ku suster reni mah
fzouiten 2003: pan jadi sagala persoalan selesai………
fzouiten 2003: Ha..ha….ha…
fzouiten 2003: tuh aya neng tika
fzouiten 2003: keur chat ?
reni kusniati: muhun
reni kusniati: nyapa ka abdi ge
fzouiten 2003: tong dibejakeun chat urang mendiskusikan orang gila………..
fzouiten 2003: suster reni jatuh hati sama org gila…………….
fzouiten 2003: tah jadi ide keur nulis novel
fzouiten 2003: SUSTER RENI JATUH HATI KE ORANG GILA……….tah alus judulna…….
fzouiten 2003: yeh kamarana caricing wae………
fzouiten 2003: araya keneh
reni kusniati: He..he..he…, aya nun
reni kusniati: ah teu rame
reni kusniati: judulna kitu mah
reni kusniati: da asa pamohalan
fzouiten 2003: kunaon nembe teh?
reni kusniati: ka kepsek heula
reni kusniati: aya tawiseun
reni kusniati: teras ka bendahara
reni kusniati: pan gajih teu acan dicandak
fzouiten 2003: jadi guru can garajihannya?
fzouiten 2003: diditu mah gajih teh nurutkeun hari kemis tiap dua minggu sakali teu nurutkeun tanggal
reni kusniati: atos
reni kusniati: ngan nu abdi an dicandak
reni kusniati: da eta sok kapopohokeun
reni kusniati: bakat ku sibuk
fzouiten 2003: atuda ibu reni mah teu butuh sih nya? orang kaya ceuk tika oge
reni kusniati: amiiinnn
reni kusniati: lain teu butuh
reni kusniati: pan gajihna tos seep
reni kusniati: ku potongan
reni kusniati: he..he..he..
fzouiten 2003: I dont believe it

fzouiten 2003: tika oge cicing wae tuh
reni kusniati: dc jigana mah
reni kusniati: da cicing wae di abdi ge
fzouiten 2003: ceuk tika cenah teh reni mah orang kaya
reni kusniati: kaya naon?
reni kusniati: alhamdulilah
fzouiten 2003: bumina gedong ageung
reni kusniati: kaya hate
reni kusniati: amiinnn
fzouiten 2003: kaya naon wae lah pokokna mah kaya
fzouiten 2003: nuju naon ibu reni?
fzouiten 2003: teu nyerat deui artikel di blog?
fzouiten 2003: ibu reniiiiiiiiiiiiiiiiiiiiiiiiiiiiiiiii aya didinya?
fzouiten 2003: tuh ayeuna jadi cocorowokan sorangan…………
reni kusniati: aya, cicing atuh ulah gegerewekan gandeng!
reni kusniati: pan nembe aya budak masihkeun proporsal
reni kusniati: fz
reni kusniati: di sakola teh bade ngayakeun lomba PBB
reni kusniati: tapi biasa dana kirang
reni kusniati: janten nguriling nyari sponsor
fzouiten 2003: pbb teh naon?
reni kusniati: baris berbaris
reni kusniati: biasa barudak osis
reni kusniati: sareng paskibra
fzouiten 2003: bukan gubernur nu ngayakeun dana na?
reni kusniati: gubernur ngan mere piala leutik
fzouiten 2003: piraku
fzouiten 2003: menta dana ka gubernur ka walikota, tuh laloba duitna mana duit rakyat eta oge
reni kusniati: enya da nu mentana lain abdi hungkul
reni kusniati: eh kumaha mun ngirim proposal ka gubernur ausi
reni kusniati: dibere moal nya
reni kusniati: ngan kudu ku bahasa ingris meureunnya
reni kusniati: kieu we
reni kusniati: urang kirimkeun proposal dina bahasa indonesia
reni kusniati: ku fz terjemahkeun
fzouiten 2003: aaussie mah merena keur kemanusaan. mun aya musibah kakara mere seperti tsunami baheula
fzouiten 2003: diditu mun aya kegiatan di sakola barudak nu kudu aktif
reni kusniati: sarua didieu ge
reni kusniati: pan barudak nu kalayang keleyeng neangan dana

fzouiten 2003: mau tahu disana mun rek aya kegiatan di sekolah?
fzouiten 2003: mun sakola ambruk kakara di tolong. Mun keur kararitu mah diditu oge da tara menta tolong ka pamarentah barudak sakola araktif seperti ngajual coklat atawa minta dana dina lumpat
fzouiten 2003: mau tahu contona?
fzouiten 2003: anak2 mencari dana?
reni kusniati: naon cenah
fzouiten 2003: waktu anak fz di smp baheula dia mau merayakan formal. anak2 mengadakan mode show. mereka cari baju2 yg akan di pake mereka ke toko2 pinjem baju2 sambil promosikan toko2. terus mereka menjual karcis ke orang tua ke murid2
fzouiten 2003: atawa, mereka menjual coklat
fzouiten 2003: dia minta sponsor ke toko2 coklat atau distributor coklat
fzouiten 2003: anak SD oge geus diajar nu karitu ngajualan coklat
fzouiten 2003: mun rek aya kegiatan teh
reni kusniati: eta tokona meni ku bageur
reni kusniati: di indo mah pamohalan bisa kitu
fzouiten 2003: har apan sebagai pasang iklan oge
fzouiten 2003: sebagai sponsor
reni kusniati: alus tah ide teh nya
reni kusniati: jadi budak kreatif
fzouiten 2003: atawa kiyeu barudak menta di sponsori keur lumpat misalna. tah mun sakilo meter $1 misalna, tah barudak knock the door ka tatangga atawa ka babaturan kolotna menta di sponsori keur lumpat
reni kusniati: lumpat?
reni kusniati: naha kacape-cape kudu lumpat sagala
fzouiten 2003: misalna mun fz jadi sponsor lumpat 5 kilo Fz kudu mayar $5
fzouiten 2003: tapi duka teuing maranehna lumpat henteuna mah. Da tara ningali manehna lumpat
reni kusniati: he..he..he….
reni kusniati: nya enya kajaba mun diudag maung nya, pasti lumpat
fzouiten 2003: ngan barudak nyari sponsor aja bari menta duitna
fzouiten 2003: tapi lumayan kan barudak jadi aya insiatif
fzouiten 2003: jadi teu cengeng menta ka kolot
reni kusniati: enya alus
reni kusniati: ari didieu mah
reni kusniati: kitu we
reni kusniati: mun aya kolot nubeunghar
reni kusniati: nya wayahna kudu nyumbang

fzouiten 2003: nya alus eta oge ameh nu baleunghar tong parelit
reni kusniati: enya kitu
fzouiten 2003: tapi budakna nggak kreatif
fzouiten 2003: diditu mah eta sih sakola teh mengajarkan anak untuk mandiri jeung kebanyakan sakola teh menyuruh anak untuk kreatif sendiri henteu sakadar mencontoh aja

reni kusniati: sarua didieu oge kitu
reni kusniati: malah ti menulis susuratan
reni kusniati: bikin program eta ku barudak
fzouiten 2003: seperti dr kelas 8 (smp kelas 2) anak2 nu memilih subject teh
fzouiten 2003: jadi mata pelajaran teu ditentukan sama sekolah
reni kusniati: guru mah ukur ngabimbing
fzouiten 2003: cuma bahasa inggris sama matematika yag diwajibkan
fzouiten 2003: mata pelajaran yg lain anak memilih
fzouiten 2003: lamun anak2 nu teu resep belajar. nu dipilihna teh nu gampang2 seperti olah raga. memasak, prakarya soal kayu, atau besi atau musik atau memasak
fzouiten 2003: da alat2 na memang lengkap sih diditu mah
fzouiten 2003: terus di sma baru di juruskan. mana anak2 yg mau masuk university atau kursus atau mau kerja
reni kusniati: enya kuduna mah di indo ge kitu
fzouiten 2003: jadi walaupun anak2 jadi tukang kayu atau tukang batu tapi professional
fzouiten 2003: seperti anak fz karena dia ngambil perbengkelan jadi ahli bengkelna teh
fzouiten 2003: da belajar bengkel teh 4 tahun setelah sma
fzouiten 2003: kan sama dgn S1 nya?
fzouiten 2003: cuma nggak punya gelar
reni kusniati: ih enya atuh ari kitu mah alus
reni kusniati: matak maraju nya nagara deungeun mah
reni kusniati: da atikan teh dilaksanakeun kalayan daria
fzouiten 2003: disana kalau mau ngambil ke ahlian harus 4 tahun belajarna. seperti perkayuan oge 4 tahun belajar setelah sma
fzouiten 2003: dan lagi tidak ada perbedaan tingkat
fzouiten 2003: seperti doktor insinyur jeung tukang batu tukang kayu sama aja. malah kadang2 gajihnya lebih besar dari tenaga buruh2 itu
fzouiten 2003: dan lagi ortu tdk memaksakan anak untuk jadi apa yg ortu mauin. kita memberikan apa yg anak mauin
fzouiten 2003: seperti ada ortunya dokter tapi si anak jadi tukang kayu

disana kalau mau ngambil ke ahlian harus 4 tahun belajarna. seperti perkayuan oge 4 tahun belajar setelah sma
fzouiten 2003: dan lagi tidak ada perbedaan tingkat
fzouiten 2003: atau ibunya lulusan university tapi anaknya jadi tukang masak
fzouiten 2003: da tukang masak oge harus belajar 4 tahun
fzouiten 2003: ih jadi ngoroweco sorangan

Tah obrolan di luhur teh obrolan sabulang bentor jeung Ki Sobat.
Lamun kuurang dilenyepan mah naon anu dicaritakeun ku Ki sobat
di luhur teh estu matak helok urang nu aya di nagara berkembang.
Enya gening kitu harti profesional di baturmah nya, da geus dicitak tibubudak.
Tuluy eta palebah budak diajar di sakola, apan teu dijejelkeun jiga di urang.
Daek teu daek, suka teu suka budak teh kudu narima sakabeh pelajaran
nu geus ditangtukeun dina kurikulum..
Ceuk cohagna mah kudu diteleg buleud-buleud!

Geus kacipta ku urang kumaha pogotna barudak dialajar di sakola,
da pelajaran anu dibikeun pelajaran anu dipikaresp ku maranehna.
Sanajan kitu urang kudu nepak dada, kudu ngarasa bagja
ka barudak sakola di urang, sabab maranehna barudak harebat
anu bisa narima pelajaran sakitu lobana.
Nyaan lain enteng-enteng tugas budak di Indonesia mah.

Kukituna upadi ka para kolot budak, omat ulah sok maksakeun
budak kudu jadi itu ieu atawa ngagantawang nyarekan
mun mudak teu asup rengking.
Anggursi bere sumanget diajar ngarah maranehna arihlas migawe tugasna.
Deudeuh teuing anaking………………

Hirup teh ceuk kuring mah teuing ku endah. Coba gera lamun urang imeut nitenan pangeusi dunya, da karasa ayana ayat-ayat kauniah teh. Bruh breh narembongan. Eta gera tina kekembangan we. Apan meni rupa-rupa boh pulasna atawa rupana kitu oge seungitna malah aya nu bau oge. Pareng eta kembang teh laligar di patamanan , katingali pisan endahna, payusna. Sanajan dina marakbakna kekembangan , aya kembang anu bau, ih da teu ieuh kembang nu lain openan, teu ieuh aing-aingan asa aing kembang kidul ..aeh salah maksud teh henteu asa aing uyah kidul. Silih pikaheman we katempona teh.

Kitu deui dina bubuahan. Terong contona, aya terong gandaria, aya terong hejo, aya terong bodas, aya terong buleud, aya terong panjang jeung aya terong ramo nu sok di balado ku urang Padang. Lamun ku urang dititenan, kabeh ge terong eta teh. Tah ku jalma anu jembar panalar mah eta Ki Terong teh dijadikeun ayat kauniah yen Alloh mah nyiptakeun mahluk teh loba nu sarua tapi beda sifat jeung rupana. Eta teh bisa dilarapkeun kana hal anu sarua rupana tapi beda eusina, atawa sarua eusina tapi beda rupana. Alamiah pisan pan? Atuh Ki Terong teu ieuh asa aing panghejona atawa pang gandariana, tuluy nyawad ka terong bodas yen sabenerna terong aslimah terong hejo lain terong bodas.Tuluy ku ayana terong bodas, terong hejo jadi teu katempo sieupna. Apan teu kitu. Terong hejo, terong bodas, terong gandaria katut terong ramo masing-masing boga ciri nu mandiri. Jadi ceuk basa saujratna mah, sasama terong ulah silih beubeutkeun. He..he..he…, kacipta nya aya terong silih beubeutkeun.

Kumaha ari manusa anu jadi pangeusi dunya? Nya sarua ieu oge watekna anu rupa-rupa milu mapaesan endahna kahirupan. Ku ayana eta, urang bisa ngarasakeun kumaha nimatna seuri, kumaha peurihna hate, kumaha mentegegna rasa, kumaha agulna diri ah rupa-rupa we rasa anu diakibatkeun ku polah manusa di dunya, hususna polah manusa anu tumiba langsung ka diri urang. Tah eta teh omat ulah dipake agul atawa nyeri hate, sok komo jadi bangbaluh mah, ulah pisan. Kudu lebar kana diri, lebar kana awak da sakumaha kasep jeung geulis oge ari ngukut berewit hate mah bakal goreng katempona. Komo mun diembohan ku goreng sangka sarta nyawad ka batur, asa aing pangpinterna, pangbenerna mah. Tah nu kitu mah geus pantes dipikarunya sabab geus yakin manehna teu bisa ngarasakeun endahna hirup. Ceuk kuring kitu ge, kateuing ceuk batur mah.

Hirup teh teuing ku endah, seuri jeung ceurik masieup lalakon urang. Hirup teh teuing ku samporet, waktu teu sirikna ngungudag kalangkang urang. Cikeneh sareupna kiwari geus carangcang tihang. Panon poe geus moncorong sajorelat geus poek deui. Beurang kaganti ku peuting, poe kaganti ku minggu, minggu kaganti ku bulan, bulan ganti ku taun. Sadar-sadar urang geus aya di jero kubur. Subhanallah, walhamdulillah, walailahailallah, allohu akbar. Leres pisan sakumaha pidawuh Anjeun ya Rob, demi waktu saestuna manusa teh aya dina karugian. Kajaba anu ariman, anu silih ingetan sarta aya dina kasabaran. Wallahualam Bisawab.

asa aya ondangan silaturahmi jeung para mahasiswa ti Korea,
dina raraga program kerja sama teknologi informasi antara sakola kuring jeung SMK,
ngahaja Indit teh kana angkot, da hoream mawa mobil sorangan mah,
rumasa teu bisa nyetir. komo kana motor mah bangbaungeun,
da kungsi tikusruk ka susukan.

Dina angkot, pinuh ku barudak SMA keur mareujeuhna marangkat beger,
sajajalan teu eureun-eureun gogonjakan, diuk marotah bari tarepak toel.
Didenge-denge teh basa nudipakena basa Sunda anu garihal tea, anu direumbeuy
ku anjing, goblog,sia aing, meni murudul, matak panas kana ceuli.

Watir mah eta nini-nini nu diuk hareupeun budak lalaki nu pangjangkungna,
geus jegoh deui, jegoh deui batuk, teu kuat ku haseup roko nu diserebung-
serebungkeun ku si Jangkung. Ari barudak awewena, lain nyarek
kalah ting karelet garumeulis, tuluy calecengiran nyeungseurikeun
si nini anu pakupis nyingraykeun haseup roko. Ret si nini ka kuring,
kuring imut ka si nini, bari pok ngomong,
cekeng teh, “ Aneh nya Ni, di Bandung mah anjing teh bareuki udud!”
Na, da eta mah ari jep teh barudak jarempe, teuing era teuing reuwas, da tuluyna mah
tarurun. Si nini seuri ka kuring, atoh tayohna mah asa ditulungan.

Nepi ka SMK, gok jeung para mahasiswa ti Korea marake pakean Sunda
karasep jeung saromeah pisan, tuluy bae wawanohan. Ari kuring bet legeg nanya teh ku
Basa Inggris. Ana pok teh dijawab ku basa Sunda, puguh atuh kuring era sorangan, tapi
tungtungna mah maranehna jadi miconggah.

Acara dimimitian, der pidato pangbagea, utamana ti para mahasiswa tea,
tapi salila ngadenge para mahasiswa biantara, pikiran mah ngacacang ka barudak SMA
anu dina angkot tea. Tuluy bet inget ka si John urang Ustrali.
Sobat kuring basa keur jaman kuliah, resep mun ngobrol jeung manehna teh,
keur kasep teh basa sundana lemes pisan, malah aya embohna si eta mah,
salian ti bisa basa Sunda teh bias nari sunda deuih.
Komo kabogohna mah Si Clara bisa tembang cianjuran sagala.
Maranehna mah sok mindeng ngomong ka kuring
pokna teh, “ Bagja anjeun mah jadi urang Sunda”.

Pikiran teh terus bae ngacacang. Inget deuih basa kuring kungsi ngobrol
Jeung Prof.DR. Yus Rusyana, dosen kuring di Fakultas Sastra Indonesia, kapan kanggo
gelar doktorna teh, anjeunna kantos angkat ka Leiden, da referensi kanggo desertasina
ngeunaan basa Sunda ayana di Leiden. Ngalayang deui pikiran teh ka barudak SMA,
naha ari maranehna arapaleun kitu kana budaya Sunda? Kana budaya Sunda? Duh…
Boa-boa teu apaleun, deudeuh teuing anaking, hampura ibu nya, lain salah hidep mun
teu wawuh ka Ki Sunda, lain salah hidep mun teu apal kana tatakrama Sunda.

Salah saha atuh lamun urang Sunda teu apal kana budayana? Malah
kuring sorangan oge sok hayang seuri, anak kuring Si bungsu, ti saprak ka SMA
geus arang nyarita ku basa Sunda. Digeunggeureuhkeun mah meh unggal usik, atuh
di imah tara ieuh diajak ngobrol mamalayuan. Tapi hih! Da mawa karep sorangan.
Hese dibenerkeunana, alesanana teh, “ Da sadaya rerencangan di sakola oge tara
Ngobrol ku basa Sunda”. Tungtungna mah bet jadi keuheul ka diri sorangan,
asa gagal jadi Indung, bet eleh ku pangaruh babaturanana. Enya sanajan manehna
bisa basa Indonesia Jeung basa Inggris, malah sok resep tutulisan sagala,
kirimkeuneun kana koran jeung majalah, tapi hate teh..asa leuwih bagja
lamun manehna ge resep nulis dina basa Sunda.
ngan jigana bakal nurut mun nu nitahna guruna, malum budak mah sok leuwih nurut
ka guru batan ka kolot.
Deudeuh Ki Sunda, ku batur mah diugung-ugung, ari ku urang sundana
sorangan diapilainkeun. Malah rek jiga jati kasilih ku junti. Ieu deuih Pikiran Rakyat,
koran nu geus lila aya di Jawa Barat, apan PR teh nu urang Sunda. Naha tara aya rohangan
husus basa Sunda wanohkeuneun ka para rumajana? Kapan balatak nonoman
panggeuing keur urang Sunda, keur si bungsu anaking, keur murid-murid kuring,
utamana pisan mah keur para inohong Sunda anu aya di laluhur, hayu urang sabilulungan
nyalametkeun rumaja Sunda, ulah nepi ka poho kana budayana, kana jati dirina. Malah
mun bisa mah wajibkeun bae pangajaran basa jeung kasenian Sunda Di SMA/SMK
sa Jawa Barat. Piraku suga ari hayoh dikekeprak ku guruna mah,
barudak teh teu maraksakeun diajar basa Sunda, malaur loba barudak
lulusan Sastra Sunda nu can kaarangkat jadi guru. Kumaha satuju? Cag ah!